"Наурыз мейрамы" мерекесінің тойлануы туралы мәлімет

  "Рухани жағыру" бағдарламасының аясында  "Тәрбие және білім" саласы бойынша Златополье орта мектебінде наурыз айының 19-20 күндері "Наурыз мейрамы"  ұйымдастырылып,  мерекелік іс-шара тойланды.  Наурыз айының 19 күні бастауыш сыныптар, соның ішінде 1-4-сыныптар арасында, ал 20-күні негізгі буын, яғни5-11 сыныптардың қатысуымен Наурыз мерекесі өте жақсы деңгейде өтті. Бұл мерекелік іс-шарада мектебіміздің үлкен сыныптар клубы көптеген ұлттық ойындар ұйымдастырды. Мерекемен мектеп оқушыларын және де ұстаздарды мектебіміздің директоры Ерден Талғатұлы Құдабаев құттықтап, игі тілегін білдірді. Қазағымыздың жаңа жылы, күн мен түн теңелген күнінде мектебімізде, яғни Наурыз мерекесінде сыныптар дастархан жайып. үстелге қазақтың ұлттық тағамдары қойылды. Атап шығатын болсақ, бауырсақ, көже, самса, айран тағы да басқа тағамдар қойылды. Мерекеге ата-аналар да қатысып, мерекелік концертті тамашалады. Оқушылар қазақтың ұлттық ойындарын үлкен қызығушылықпен ойнап, жүлделі орындарға да ие болды. Сонымен қатар мерекеге жақсы қатысқан оқушылар грамоталармен марапатталды. Жер көгеріп. жер жаңарған көктемгі  Наурыз мерекесін Златополье ауылы осындай жақсы көңіл -күймен қарсы алды. Мерекеміз жақсы өтіп, ата-аналар мен келген қонақтар тарапынан үлкен рахмет айтылып, мерекеміз осындай жақсы нотада аяқталды. Келіп жеткен Наурыз мейрамымыз құтты болып, құт берекеміз арта берсін деймін.